ჩემპიონთა ლიგის ფინალში პარი სენ-ჟერმენის გამარჯვებისა და მოპოვებული ტიტულის შემდეგ, ხვიჩა კვარაცხელიამ უეფასთან საუბარში მოულოდნელი დეტალი გაამჟღავნა.
აღმოჩნდა, რომ ქართველმა ვარსკვლავმა არსენალის წინააღმდეგ შეხვედრა ტრავმით ჩაატარა, რომელიც მატჩამდე ორი დღით ადრე, ვარჯიშზე მიიღო.
მიუხედავად ტკივილისა, ხვიჩამ მოედანზე გასვლა მაინც გადაწყვიტა, მატჩის გარდატეხაში უდიდესი როლი ითამაშა და პარიზელთა საპასუხო პენალტიც მოიპოვა. კვარაცხელიამ მატჩისშემდგომ პენალტების სერიას უკვე სათადარიგოთა სკამიდან ადევნა თვალი და აღიარა, რომ ეს მისთვის უმძიმესი მომენტი იყო.
ფინალამდე ორი დღით ადრე, ვარჯიშზე დაცემისას დავშავდი. ხელიც ვიტკინე და ფეხიც, თუმცა ჩვენ, ქართველები, მეომრები ვართ და ეს ჩემთვის დიდი პრობლემა არ ყოფილა
„საშინლად რთული იყო პენალტების სერიის ყურება. დიდება ღმერთს, რომ გავიმარჯვეთ! ემოციები უბრალოდ გიჟურია. ძალიან ვამაყობთ, რომ ეს ტურნირი ზედიზედ მეორედ მოვიგეთ. მე-5 წუთზე გოლის გაშვების შემდეგ, ასეთი დაცვის წინააღმდეგ თამაშის შემოტრიალება ურთულესი იყო, მაგრამ გამოსავალი ვიპოვეთ.“ - აღნიშნა კვარაცხელიამ.
