პორტუგალიის ჩემპიონატის პირველ ტურში სპორტინგმა აროუკას უმასპინძლა და 6-0 გაანადგურა.
შეხვედრაში მაყურებელმა 3 დუბლი იხილა. გოლები მანგასმა, სუარესმა და ტრინკაომ გაიტანეს.
მატჩი სათადარიგო სკამიდან დაიწყო გიორგი ქოჩორაშვილმა. ქართველი ნახევარმცველი თამაშში 73-ე წუთზე ჩაერთო, როცა ანგარიში 5-0 იყო.
ქოჩორაშვილმა სოციალურ ქსელში პოსტი გამოაქვეყნა.
"ძალიან ბედნიერი ვარ ამ საოცარ სტადიონზე ჩემი დებიუტით! მადლობა მხარდაჭერისა და ენერგიისთვის." - წერს გიორგი.
შემდეგ ტურში ლისაბონური გუნდი ნასიონალს ესტუმრება (23 აგვისტო).
