ყველა დროის ბომბარდირი - რეკორდები, რომელიც მესიმ ალჟირთან მოხსნა

ლიონელ მესიმ ალჟირის ნაკრებთან რამდენიმე მნიშვნელოვანი რეკორდი მოხსნა.

პირველ რიგში ალჟირთან ჩატარებული მატჩით, მესი გახდა ისტორიაში პირველი ფეხბურთელი, რომელმაც 6 მუნდიალზე ითამაშა.

ალჟირთან შესრულებული ჰეთ-თრიქით არგენტინელი მსოფლიო ჩემპიონატების ყველა დროის ბომბარდირთა სიაში მიროსლავ კლოზეს გაუთანაბრდა.

მიროსლავ კლოზე - 16 გოლი (24 მატჩი)

ლიონელ მესი - 16 გოლი (27 მატჩი)

რონალდო - 15 გოლი (19 მატჩი)

გერდ მიულერი - 14 გოლი (13 მატჩი)

კილიან მბაპე - 14 გოლი (15 მატჩი)

ჟუს ფონტენი - 13 გოლი (6 მატჩი)

პელე - 12 გოლი (14 მატჩი)

ლიონელ მესი ახლა არგენტინის ნაკრების ისტორიაში მსოფლიო ჩემპიონატებზე ყველაზე ახალგაზრდა (18 წლის) და ყველაზე ასაკოვანი (38 წლის) გოლის გამტანია.

ზუსტად 20 წლის წინ, 2006 წელს, მსოფლიო ჩემპიონატზე თავისი დებიუტისას, მან სერბეთსა და მონტენეგროს წინააღმდეგ გაიტანა.

ახლა კი, 2026 წელს, მესი ალჟირის კარსაც დაეუფლა და ეს თავისი ქვეყნის ნაკრებში ჩატარებულ მე-200 მატჩში გააკეთა.

არგენტინელი ასევე მსოფლიო ჩემპიონატების ისტორიაში მე-3 ყველაზე ასაკოვანი ფეხბურთელია, რომელმაც გოლი გაიტანა - 38 წლისა და 357 დღის ასაკში.

მას მხოლოდ კამერუნელი როჟე მილა (42 წლისა და 39 დღის) და პორტუგალიელი პეპე (39 წლისა და 283 დღის) უსწრებენ.

ალჟირთან გოლებმა მესი მსოფლიო ჩემპიონატების ისტორიაში კრიშტიანუ რონალდუს შემდეგ მეორე ფეხბურთელად აქცია, რომელმაც 5 სხვადასხვა მუნდიალზე გაიტანა.

ასევე არგენტინელმა (38 წლის) მოხსნა კრიშტიანუ რონალდუს (33 წლის) რეკორდი და მსოფლიო ჩემპიონატების ისტორიაში ჰეთ-თრიკის შემსრულებელ ყველაზე ასაკოვან ფეხბურთელად იქცა.

მესის პირველი ჰეთ-თრიქი მუნდიალებზე - ბენეფისი ალჟირთან