„ყველა შანსს წავართმევთ" - თოფურიას გეგმა გეიჯის წინააღმდეგ

ილია თოფურია მზად არის ჯასტინ გეიჯის UFC Freedom 250-ის მთავარ ბრძოლაში დაუპირისპირდეს.

ამ ღონისძიების წინ ბევრი გაურკვეველი საკითხია - იწვიმებს თუ არა? ხომ არ გაავსებენ მწერები ოქტაგონს? მაგრამ ერთი რამ ცხადია: თოფურია ამ ბრძოლისთვის ძალიან დეტალური გეგმით მოდის, რათა გეიჯი გაანადგუროს.

Vic Blends-თან ახალ ინტერვიუში თოფურიამ განმარტა, როგორ აწყობს მისი გუნდი თითოეული მოწინააღმდეგისთვის მთლიან მოსამზადებელ პროცესს.

თითოეული მებრძოლისთვის მომზადება სრულიად განსხვავებულია.

„მაგალითად, როგორც კი დადასტურდა, რომ ჯასტინთან უნდა გვეჩხუბა, პირველი რაც ჩემს გუნდთან ერთად გავაკეთე, იყო ის, რომ ეკრანის წინ დავსხედით და ისე დავიწყეთ ანალიზი, თითქოს ჯასტინის გუნდი ვიყავით - თითქოს ჯასტინისთვის უნდა გვერჩია, როგორ ეჩხუბა ილიას წინააღმდეგ.“ - თქვა თოფურიამ.

„დავიწყეთ ჩემი ბრძოლების ყურება იმ პერსპექტივიდან, რომ ‘ჩვენ ჯასტინის გუნდი ვართ’ და ვადგენთ ჯასტინის სტრატეგიას. შემდეგ კი, ჯასტინის სტრატეგიაზე დაყრდნობით, ვქმნით ჩვენს სტრატეგიას. ვაცლით მას ყველა შანსს.“

პირველ რიგში, უნდა ვიცოდეთ, როგორ იფიქრებს ჯასტინი და მისი გუნდი.

„როგორ მოემზადებიან ისინი ჩემ წინააღმდეგ. როცა ამ დასკვნამდე მივდივართ, შემდეგ ვაწყობთ ჩვენს სტრატეგიას. ვქმნით თამაშის გეგმას. და ამ გეგმაზე დაყრდნობით ვაწყობთ მთელ საწვრთნელ ბანაკს. მთელ განრიგს.“ - განმარტა თოფურიამ.

ყველაფერი გეგმაზეა დაფუძნებული... მთლიან სტრატეგიას ვადგენთ და შემდეგ ამ სტრატეგიის მიხედვით ვაწყობთ საწვრთნელ პროცესს.

ჯასტინ გეიჯის გეგმა ილია თოფურიას წინააღმდეგ