მინესოტა ტიმბერვულვზთან ჩატარებული წარმატებული მატჩის შემდეგ, გოგა ბითაძემ შეხვედრა მედიასთან შეაფასა.
"სეზონის განმავლობაში რამდენიმე ისეთი თამაში წავაგეთ, რომლებშიც ფურცელზე ფავორიტები ვიყავით. ამიტომაც, დღევანდელი გამარჯვება ძალიან მნიშვნელოვანი იყო. რთული მომენტები დღესაც იყო, როცა რეაქციის ჩვენება და კონტროლის შენარჩუნება შევძელით, რაც ერთიანობით მოვახერხეთ. წინ კიდევ 2 მნიშვნელოვანი მატჩია.
ვფიქრობ, ყველამ იცის, რას ვაკეთებ - შეიძლება, ყველა თამაშში განსაკუთრებული სტატისტიკა არ მქონდეს, რაც ჩემი როლითა და არათანმიმდევრული წუთების რაოდენობით აიხსნება, თუმცა, ყველამ იცის, რომ გუნდის თამაშში პოზიტივის შეტანა, მისი გაძლიერება შემიძლია და დღეს ასეთი საღამო იყო. მთავარია, რომ მოვიგეთ, შეიძლება რიცხვები გქონდეს, მაგრამ ისინი არაფერია, თუ ვერ იგებ. ძალიან ბედნიერი ვარ, რომ ყველაფერი გამარჯვებით დასრულდა", - აღნიშნა ბითაძემ.
VIDEO: სეზონში მე-2 ორმაგი დუბლი - გოგა მინესოტასთან ერთ-ერთი საუკეთესო იყო
