ფლორიან ვირცი ბოლო დროს გავრცელებულ ინფორმაციას სოციალურ ქსელში გამოეხმაურა.
ლივერპულში მისი მოსალოდნელი ტრანსფერის წინ, პრესა აქტიურად წერდა, რომ გერმანელს ენფილდზე 10-ნომრიანი მაისურით სურს თამაში, რომელიც ამჟამად ალექსის მაკ ალისტერს ეკუთვნის.
„ვინც იმას ამბობს, რომ მე 10-ნომრიან მაისურს ვითხოვ: მე ფეხბურთელებს პატივს ვცემ.
ნუ დაიჯერებთ ყველაფერს, რასაც წერენ." - წერს ვირცი სოციალურ ქსელში და თავის პოსტს ჯამბაზის სმაილიც დაურთო.
ლივერპული და ლევერკუზენი ვირცის ტრანსფერზე მოლაპარაკებებს აწარმოებენ. გავრცელებული ინფორმაციით, ფარმაცევტებმა მერსისაიდელთა ორი შემოთავაზება (117 და 130 მილიონიანი) უარით გაისტუმრეს და 150 მილიონს ითხოვენ.
