ოფიციალურად: დელაპი ჩელსის ფეხბურთელია

ჩელსიმ ოფიციალურად დაადასტურა, რომ ლიამ დელაპი კლუბის ახალი ფეხბურთელია.

ინგლისელმა შემტევმა ლონდონელებთან კონტრაქტი 2031 წლის ივნისამდე გააფორმა.

ჩელსი და იფსვიჩი დელაპის სანაცვლოდ 30 მილიონ ფუნტზე შეთანხმდნენ.

"ჩელსიში გადმოსვლა ტიტულების მოგების გამო მინდოდა. როცა მათ ვესაუბრე, ყველას უნდოდა ტიტულების მოგება და იმ გზაზე დაბრუნება, როგორიც ამ კლუბს ეკუთვნის, ეს არის მთავარი მიზეზი." - განაცხადა ინგლისელმა.

22 წლის მოთამაშემ პრემიერ ლიგის გასულ სეზონში 12 გოლი და 2 საგოლე გადაცემა მიითვალა.