საქართველოს 17-წლამდელთა ნაკრები ევროპის ჩემპიონატის საკვალიფიკაციო ეტაპის პირველი რაუნდის მატჩებს 11 და 17 ნოემბერს ქუთაისში გამართავს.
ჩვენი გუნდი ავსტრიასთან გასამართი ხვალინდელი მატჩისთვის მზადყოფნაშია და ამის შესახებ მთავარმა მწვრთნელმა, გიორგი ჩიტაურმა და კაპიტანმა, ანდრია ფოცხვერიამ ისაუბრეს.
"ორივე ძალიან ძლიერი მეტოქეა, თუმცა სათანადოდ ვართ მომზადებული. გუნდში კარგი განწყობაა.
გვაკლია 4 ფეხბურთელი, რომლებსაც სასტარტო შემადგენლობაში მოვიაზრებდი, მაგრამ მათი შემცვლელებიც კარგ ფორმაში არიან და სათანადოდ ჩაანაცვლებენ.
ფედერაციამ გაგვიშვა ყველა შესაძლო ძლიერ ტურნირზე, რაც კი ჩატარდა. ძალიან მაგარ გუნდებს ვეთამაშეთ და ბიჭებმა სერიოზული გამოცდილება მიიღეს", - აღნიშნა ჩიტაურმა.
"ამ თამაშისთვის დიდი ხანია ვემზადებით. გუნდში ძალიან კარგი გარემოა და ყველა მოტივირებული ვართ. ყველაფერს გავაკეთებთ იმისთვის, რომ ორივე მატჩი ჩვენთვის სასიკეთოდ დასრულდეს", - ეს ფოცხვერიას შეფასებაა.
საქართველოსა და ავსტრიის 17-წლამდე ნაკრებთა მატჩი 11 ნოემბერს, ქუთაისში, რამაზ შენგელიას სახელობის სტადიონზე 16:00 საათიდან გაიმართება. პირდაპირ რეპორტაჟს სფფ-ის Youtube არხზე ვიხილავთ.
რომელი ფეხბურთელები გამოიძახეს U17 ნაკრებში ევროს საკვალიფიკაციოსთვის?
