ლივერპულის მეკარის პოზიციაზე არსებული დიდი კონკურენცია და ალისონ ბეკერის პოტენციური დარჩენა შესაძლოა, გიორგი მამარდაშვილისთვის გუნდის შეცვლის მიზეზი გახდეს.
როგორც ცნობილი გამოცემა Sky Sports წერს, მიუხედავად იმისა, რომ ალისონის ამჟამინდელი კონტრაქტი სეზონის ბოლოს იწურება, მხარეებს შორის მოლაპარაკებები ერთწლიან გაგრძელებაზე მიმდინარეობს და ანდონი ირაოლასთვის ბრაზილიელი კვლავ პირველ ნომრად რჩება.
თუ ალისონი კიდევ ერთი სეზონით დარჩება, ქართველ მეკარეს შესაძლოა საკუთარი მომავლის გადაწყვეტა და ძირითად შემადგენლობაში თამაშის ამბიციის სხვაგან ძებნა მოუწიოს.
გამოცემა წერს:
კლუბის პერსპექტივიდან გამომდინარე, გონივრული იქნებოდა ალისონთან დაკავშირებით მოთმინება გამოეჩინა. თუ მისი დარჩენის შესახებ შეთანხმებას მიაღწევენ, ამან შესაძლოა, გიორგი მამარდაშვილს საკუთარი მომავლის გადაწყვეტის ვალდებულება დააკისროს. 26 წლის ასაკში, გასაკვირი არ იქნება, თუ ის სხვაგან გადასვლას გადაწყვეტს და ძირითად შემადგენლობაში თამაშის ამბიცია ექნება, როგორიც ამას ვალენსიაში აკეთებდა.
სიტუაციას ართულებს ისიც, რომ წითლებმა ზაფხულში ძალიან ნიჭიერი ბელგიელი მეკარე, ლუკა ბრუგმანსი შეიძინეს, რომელიც ამჟამად იჯარით გენკში ბრწყინვალედ ასპარეზობს.
შეგახსენებთ, რომ მამარდაშვილი ლივერპულმა 2024 წელს 35 მილიონ ევროდ შეიძინა.
