მსოფლიო ჩემპიონატის ნახევარფინალში არგენტინასთან მარცხის შემდეგ (რომელმაც ინგლისის ოცნება კიდევ ერთხელ დაასრულა), მედიისა და გულშემატკივრების ყურადღება მოედანზე ჯუდ ბელინგემსა და ლიონელ მესის შორის მომხდარმა მცირე შელაპარაკებამ მიიპყრო.
ინგლისელთა ლიდერმა მატჩის შემდეგ გამართულ პრესკონფერენციაზე პირდაპირ განმარტა, თუ რა მოხდა რეალურად მოედანზე და რა უთხრა არგენტინელთა კაპიტანს.
მესის წინააღმდეგ თამაში წარმოუდგენელი გამოცდილებაა. მას წარმატებას ვუსურვებ. კამათი? სინამდვილეში არაფერი სერიოზული არ მომხდარა. ვიცი, ახლა ყველაფერს სხვადასხვაგვარ სახეს მისცემენ და აჟიოტაჟს ატეხენ, მაგრამ ჩვენ უბრალოდ კონკრეტულ ჯარიმაზე ვკამათობდით.
მე ვფიქრობდი, რომ ჯარიმა იყო, მან კი მითხრა: „რას იტყვი, ჩემს წინააღმდეგ არ დაირღვა წესებიო?“ მე კი ვუპასუხე: „საკმარისად ძლიერი ხარ, რომ ამას გაუძლო-მეთქი“, გესმით, რასაც ვგულისხმობ?
ცხადია, ახლა წაგებულის მხარეს ვდგავარ, რაც ძალიან მტკივნეულია.. მაგრამ ყოველთვის დიდი პრივილეგიაა, როდესაც საუკეთესოების წინააღმდეგ გიწევს თამაში
