სანტიაგო ბერნაბეუზე მადრიდის რეალისა და სოსიედადის მატჩი ვინისიუს ჟუნიორისთვის ემოციებით სავსე გამოდგა.
ზაფხულის განმავლობაში ბრაზილიელი ფეხბურთელის შესაძლო წასვლის შესახებ გავრცელებულმა არაერთმა ჭორმა და მისმა კონტრაქტმა გულშემატკივართა ბანაკი ორად გაყო.
შეხვედრის დასაწყისში ვინი არასტაბილურად გამოიყურებოდა, არასწორ პასებს აკეთებდა და დრიბლინგიც არ გამოსდიოდა, რასაც ტრიბუნებიდან მადრიდელი ფანების მხრიდან უარყოფი მოწოდებები და სტვენა მოჰყვა. მიუხედავად ამისა, მეორე ტაიმში სიტუაცია შეიცვალა, ბრაზილიელმა ჯერ ჯუდ ბელინგემის პასით გაიტანა, შემდეგ კი ულამაზესი ასისტი გაუკეთა მბაპეს და ჰეთთრიქი შეასრულებინა.
მცირე ხანში ჟოზე მოურინიომ ვინისიუსი შეცვალა, რა დროსაც ბერნაბეუს გულშემატკივრებმა მას ტაში დაუკრეს, პორტუგალიელმა სპეციალისტმა კი მას მოედანზევე თბილად მიულოცა და ბრაზილიელს შესძახა, რომ ტრიბუნების ოვაციებისთვის მოესმინა.
