რაისი: „ვიცით, რაში უნდა მოვუმატოთ სიტისთან მატჩისთვის"

არსენალის ნახევარმცველმა, დეკლან რაისმა, მანჩესტერ სიტისთან მოახლოებულ უმნიშვნელოვანეს მატჩზე ისაუბრა.

ლონდონელებს კვირას პრემიერ ლიგის ფარგლებში ურთულესი გასვლა ელით. რაისმა გუნდის ბოლოდროინდელი ფორმა კრიტიკულად შეაფასა:

„ზედმეტი საუბარი არ სჭირდება იმას, რომ იმაზე უკეთ უნდა ვითამაშოთ, ვიდრე ბორნმუთთან (1:2) და იმაზე უკეთაც, ვიდრე სპორტინგთან.

ბოლო დროს იმაზე მეტ შეცდომას ვუშვებთ, ვიდრე წინა კვირებში. საქმე საბაზისო დეტალების გაუმჯობესებას ეხება — მოკლე და საშუალო გადაცემებს, როცა ბურთს დაუდევრად ვკარგავთ.

ასევე ბურთთან ერთად თავდაჯერებაა საჭირო: მეტი შეხება, თავისუფლება და წნეხისთვის ყურადღების არმიქცევა. ეტიჰადი ნამდვილი გამოცდაა, მაგრამ სწორედ ამისთვის ვთამაშობთ ფეხბურთს. რა გაეწყობა, საქმეს შევუდგეთ“, — განაცხადა რაისმა.

შეხვედრა 19 მაისს, სტადიონ ეტიჰადზე, თბილისის დროით 19:30 საათზე გაიმართება.