ბარსელონას შემტევი ნახევარმცველი, რაფინია, გუნდის უახლოეს მატჩს მცირე დაზიანების გამო გამოტოვებს.
ბრაზილიის ნაკრების 29 წლის ფეხბურთელს მარჯვენა ბარძაყის კუნთის გადატვირთვა დაუდგინდა.
ამის გამო ის კოპა დელ რეის 1/4 ფინალურ მატჩს გამოტოვებს, რომელშიც ბარსელონა სტუმრად ალბასეტეს ხვალ, 3 თებერვალს დაუპირისპირდება.
წყაროს ცნობით, რაფინიას პრევენციის მიზნით დაასვენებენ, ხოლო აღდგენის პერიოდი დაახლოებით ერთ კვირას შეადგენს.
მიმდინარე სეზონში ბრაზილიელმა უკვე 13 მატჩი გამოტოვა ორი სხვადასხვა დაზიანების გამო. ლა ლიგაში ჩატარებულ 14 შეხვედრაში მან 8 გოლი გაიტანა და 3 საგოლე გადაცემა შეასრულა.
