ბაჰრეინის გრან-პრის 2026 წლის გამარჯვებული რედ ბულის პილოტი, მაქს ვერსტაპენი გახდა.
მსოფლიოს 4-გზის ჩემპიონმა, კვალიფიკაციის შედეგად, პოულ პოზიცია მოიპოვა და, წვიმის გამო თითქმის 2-საათიანი დაგვიანებით დაწყებულ რბოლაში, ანტონელისთან რამდენიმეწუთიანი ჩამორჩენის გარდა, უდიდესი ნაწილი პირველ ადგილზე იყო და პოდიუმის უმაღლეს ადგილზე ასვლა ეჭვქვეშ არ დაუყენებია.
მეორე ადგილზე სწორედ მიმდინარე სეზონის ლიდერი, ანდრეა კიმი ანტონელი (მერსედესი) გავიდა, ხოლო მესამეზე - ლუის ჰამილტონი (ფერარი). პოდიუმამდე ცოტა დააკლდათ შარლ ლეკლერსა (ფერარი) და ისაკ ჰაჯარს (რედ ბული).
რაც შეეხება სეზონის საერთო ჩათვლაში ლიდერ ანტონელის მთავარ კონკურენტ და მისსავე თანაგუნდელ ჯორჯ რასელს, მან რბოლის დასრულება ვერ შეძლო და საერთოდ უქულოდ დარჩა - რბოლის ჰაილაითები.
შედეგად, ანტონელის (320 ქულა) მეორეადგილოსან რასელთან (236 ქულა) უპირატესობა 84 ქულამდე გაიზარდა და 20 წლის იტალიელი მსოფლიო ჩემპიონობის კიდევ უფრო დიდი ფავორიტი ხდება. ჰამილტონს 214 ქულა აქვს, ლეკლერს - 191, ხოლო მოქმედ ჩემპიონ ნორისსა და ვერსტაპენს - 188-188.
მაქს ვერსტაპენმა მიმდინარე სეზონში - პირველი, ლეგენდარულ კარიერაში კი 72-ე გრან-პრი მოიგო. ჯამში პოდიუმზე 135-ედ ავიდა.
2026 წლის რიგით მე-17 გრან-პრი უკვე მომავალ უქმეებზეა, სინგაპურში - მთავარი რბოლა 11 ოქტომბერს, მარინა ბეის ქუჩის ავტოდრომზე გაიმართება. სინგაპურის გრან-პრის ჩათვლით, სეზონის დასრულებამდე 6 რბოლა რჩება.
ანტონელი კიდევ უფრო გაიქცა - რა მდგომარეობაა სეზონის საერთო ჩათვლაში?
