ფორმულა 1-ის სარბოლო კალენდარს კიდევ ერთი ახალი ტრასა დაემატება.
1993 წლის შემდეგ პირველად სეზონის ერთ-ერთი რბოლა აფრიკის კონტინენტზე გაიმართება, კერძოდ რუანდას ტრასაზე, ბუგესერაში.
ეს ყველაფერი 2030-იანების პირველი წლებიდან მოხდება და, კონტრაქტის მიხედვით, 10 სეზონის განმავლობაში გაგრძელდება. სახელწოდება აფრიკის გრან-პრი იქნება.
რუანდა გახდება მე-3 აფრიკული ქვეყანა, რომელიც ფორმულა 1-ის რბოლას უმასპინძლებს - 1958 წელს კასაბლანკაში (მაროკო) ჩატარდა, ხოლო 1993 წელს იოჰანესბურგში (სამხრეთ აფრიკა).
ოფიციალური განმარტებით, ფორმულა 1-ს აფრიკაში 100 მლნ-ზე მეტი ფანი ჰყავს და აღნიშნული ტრასის კალენდარში დამატება პოპულარიზაციის მასშტაბებს კიდევ უფრო გაზრდის.
