მარკუს რაშფორდის განცხადებით, მადრიდის რეალთან გოლის გატანა და ლა ლიგის ჩემპიონობის მოპოვება იდეალური დასასრული იყო.
თავდამსხმელი ესპანეთში მანჩესტერ იუნაიტედიდან იმყოფება იჯარით. მან საკუთარ მომავალთან დაკავშირებით პირდაპირი პასუხისგან თავი შეიკავა:
ეს სწორედ ისეთი იდეალური დასასრულია, როგორსაც ვისურვებდი. ძალიან ბედნიერი ვარ და უბრალოდ მინდა დღევანდელი დღით ვისიამოვნო. მე მომენტით ვცხოვრობ. სეზონის ბოლოს კი ვნახავთ, რა მოხდება. აქ მოსაგებად მოვედი და ეს შევძელით კიდეც, ამიტომ ძალიან ბედნიერი ვარ.
ეს საოცარი გრძნობაა. მთელი სეზონის განმავლობაში ვიმსახურებდით ამას, საუკეთესო გუნდი ვიყავით. გვქონდა ცუდი მომენტებიც, მაგრამ ყოველთვის ვბრუნდებოდით და გაუმჯობესებისთვის ვიბრძოდით.
რაშფორმა 2:0-ით დასრულებულ შეხვედრაში ანგარიში ბრწყინვალე საჯარიმო დარტყმით გახსნა, მე-18 წუთზე კი ფერან ტორესმა უპირატესობა გააორმაგა. მეორე ტაიმში ჯუდ ბელინგემმა გაიტანა, თუმცა ის თამაშგარე მდგომარეობის გამო გაუქმდა. მთელი მატჩის განმავლობაში სტუმრები მეტოქეზე სუსტად გამოიყურებოდნენ.
