რატომ შეჩერდა შოუ, რომლითაც დვალიშვილი აღმოაჩინეს??

UFC-ის პრეზიდენტმა, დანა უაითმა განაცხადა, რომ პოპულარული შოუს, "Lookin’ for a Fight"-ის გადაღებებისთვის ამჟამად დრო აღარ აქვს.

პროექტი, რომლის ფარგლებშიც უაითი თანაწამყვანებთან ერთად სხვადასხვა ქალაქში მოგზაურობდა და ახალ ტალანტებს ეძებდა, 2015 წელს დაიწყო, თუმცა ბოლო ეპიზოდი 2025 წლის მაისში გამოვიდა.

პრესკონფერენციაზე საუბრისას უაითმა აღნიშნა, რომ ბოქსის ინდუსტრიაში შესვლისა და ედი ჰირნთან მიმდინარე აქტივობების ფონზე მისი სამუშაო გრაფიკი გადატვირთულია. მიუხედავად იმისა, რომ შოუ ოფიციალურად არ დახურულა, ის UFC-ის პრიორიტეტების სიაში აღარ შედის.

აღსანიშნავია, რომ ამ ფორმატმა ორგანიზაციას არაერთი ვარსკვლავი შემატა. მათ შორის ყველაზე წარმატებული ისტორია მერაბ დვალიშვილს უკავშირდება, რომელიც UFC-ში სწორედ ამ შოუს მეშვეობით, 2017 წელს მოხვდა.