რატომ თვლიან ფანები, რომ იან გარის უნდა მოეგო?

UFC 330-ზე ისლამ მახაჩევმა იენ მაჩადო გარი მსაჯების ერთსულოვანი გადაწყვეტილებით დაამარცხა.

ამ ისტორიული გამარჯვებით მან UFC-ის ისტორიაში ყველაზე გრძელი მოგებათა სერიის რეკორდიც დაამყარა.

მიუხედავად ტიტულისა და რეკორდისა, სოციალურ ქსელებში გულშემატკივრებს შორის მწვავე კამათი და დებატები ატყდა. დისკუსიის მთავარი მიზეზი ბრძოლის სტატისტიკა და კონკრეტულად მე-5 რაუნდი გახდა.

მახაჩევმა ბრძოლის დასკვნით, მეხუთე რაუნდში არცერთი მნიშვნელოვანი დარტყმა არ განახორციელა, თუმცა მან წარმატებულად გამოიყენა თავისი საფირმო ჭიდაობა, ოქტაგონზე პოზიციური უპირატესობა მოიპოვა და რაუნდის დიდი ნაწილი მეტოქის კონტროლში გაატარა, რამაც მსაჯების თვალში მას გამარჯვება მოუტანა.

გულშემატკივართა ნაწილმა აღნიშნა, რომ შეფასების კრიტერიუმებიდან გამომდინარე, ზიანის მიყენება და დარტყმები უპირატესი უნდა იყოს და გამარჯვება იენ მაჩადო გარის უნდა დარჩენოდა, თუმცა სხვებმა მახაჩევის ჭიდაობა და დომინანტური კონტროლი დაიცვეს.