მადრიდის რეალმა ამ ზაფხულს უკვე 100 მილიონ ევროზე მეტი დახარჯა, თუმცა გუნდის გადახალისება მხოლოდ ახლა იწყება, რადგან კლუბი ცდილობს 2 სეზონის განმავლობაში დიდი ტიტულის გარეშე დარჩენის არასასიამოვნო სერია დაასრულოს.
მადრიდის რეალი და ჟოზე მოურინიო მზად არიან 23 წლის ნახევარმცველ ედუარდო კამავინგასთან დაკავშირებით შეთავაზებებს მოუსმინონ.
თუმცა ფეხბურთელის გარემოცვაში აცხადებენ, რომ მისი წასვლა „შეუძლებელია“.
ამან შექმნა სიტუაცია, სადაც რეალი მზად იქნება განიხილოს შეთავაზებები 26 წლის ორელიენ ჩუამენის თაობაზე.
ფრანგი ნახევარმცველი შესაძლოა მანჩესტერ იუნაიტედის ინტერესის ობიექტი გახდეს.
ფედერიკო ვალვერდე კი გასაყიდ ფეხბურთელთა სიაში არ არის (და თავადაც არ სურს გუნდის დატოვება), მიუხედავად იმისა, რომ მაისში მასსა და ჩუამენის შორის გასახდელში კონფლიქტი მოხდა.
რეალში მიაჩნიათ, რომ ნახევარდაცვაში 1 ფეხბურთელის წასვლა აუცილებელია, რათა ადგილი გათავისუფლდეს იმ შემოქმედებითი ტიპის მოთამაშისთვის, რომელიც გუნდს აკლია.
მოურინიოს მთავარი სამიზნე ენცო ფერნანდესია, რომლის სანაცვლოდაც ჩელსი, სავარაუდოდ, დაახლოებით 120 მილიონ ფუნტ სტერლინგს მოითხოვს.
არგენტინელი ნაკრების 25 წლის ფეხბურთელი ახალი გამოწვევის ძიებაშია და მისი სასურველი მიმართულება მადრიდია.
ასევე განხილულია ვესტ ჰემის 21 წლის პორტუგალიელი ნახევარმცველის, მატეუს ფერნანდეშის კანდიდატურაც, თუმცა მის მიმართ ინტერესს მანჩესტერ იუნაიტედი, პარი სენ-ჟერმენი და ტოტენჰემიც იჩენენ.
