ინგლისის ნაკრებისა და მადრიდის რეალის ვარსკვლავმა, ჯუდ ბელინგემმა, კლუბში ჟოზე მოურინიოს მოსვლასა და ზაფხულის ტრანსფერებზე ისაუბრა.
მუნდიალზე მყოფი 22 წლის ნახევარმცველი ესპანურ გრანდში მიმდინარე რევოლუციით აღფრთოვანებულია.
მოურინიოს დაბრუნება და ახალი ვარსკვლავები
განასთან მატჩის შემდეგ, ბელინგემმა რეალის ახალ მწვრთნელზე ისაუბრა და აღნიშნა, რომ პორტუგალიელ სპეციალისტთან მუშაობას მოუთმენლად ელის:
მოურინიო უმაღლესი დონის მწვრთნელია, მისი მოსვლით ძალიან ბედნიერი ვარ. გუნდმა ზაფხულში ბევრი გამოცდილი და ხარისხიანი მოთამაშე დაიმატა. მათთან ერთად მუშაობა დიდი სიამოვნება იქნება. ახლა მთლიანად ინგლისის ნაკრებზე ვარ კონცენტრირებული, მაგრამ რეალის ტრანსფერები ძალიან მომწონს
მადრიდულმა გრანდმა ახალი სეზონისთვის შემადგენლობის სერიოზული გაძლიერება დაიწყო და მოურინიოს მოთხოვნით უკვე გააფორმა ისეთი გამოცდილი ვარსკვლავები, როგორებიც ბერნარდუ სილვა, მარკ კუკურელია და იბრაჰიმა კონატე არიან.
თვითკრიტიკა მუნდიალზე
საკლუბო თემების გარდა, ბელინგემმა ნაკრებში არსებულ სიტუაციაზეც ისაუბრა. განასთან ფრის (0:0) შემდეგ ის მატჩის საუკეთესო მოთამაშედ დასახელდა, თუმცა ფეხბურთელმა აღიარა, რომ ეს ჯილდო არ დაუმსახურებია და ის მეტოქის მცველებს ეკუთვნოდათ.
ინგლისის ნაკრები ჯგუფში 4 ქულით პირველ ადგილზეა და პლეი-ოფში გასასვლელად ბოლო ტურში პანამასთან მატჩი ელის.
