ჟურნალისტ რამონ ალვარესის ცნობით, რეალის ახალგაზრდა ბრაზილიელი თავდამსხმელის, ენდრიკის წარმომადგენლობითი სააგენტო Roc Nation ფეხბურთელის პრემიერ ლიგაში გადასვლაზე მუშაობს.
მიუხედავად იმისა, რომ 20 წლის ფორვარდმა ფლორენტინასთან ამხანაგურ მატჩში გოლი გაიტანა და ჟოზე მოურინიოზე დიდი შთაბეჭდილება მოახდინა, კლუბში მიიჩნევენ, რომ ძლიერი კონკურენციის პირობებში (ვინისიუსის კონტრაქტის გახანგრძლივება, ბერნარდო სილვა, ესპი, დიომანდი და როდრიგოს დაბრუნება) მისთვის სათამაშო პრაქტიკის მიღება რთული იქნება.
მეორე მხრივ, მას შემდეგ, რაც როდრიმ რეალის ნაცვლად არჩევანი ბარსელონაზე შეაჩერა და კატალონიურ კლუბში გადასვლა გადაწყვიტა, სამეფო კლუბმა უარი თქვა სხვა საყრდენი ნახევარმცველის ძიებაზე.
მადრიდში აცხადებენ, რომ გუნდში არ მოიყვანენ ფეხბურთელს, რომელსაც კლუბში თამაში გულწრფელად არ სურს. ჟოზე მოურინიო არსებული რესურსით კმაყოფილია და გეგმავს, რომ ბერნარდო სილვა უფრო ღრმა პოზიციაზე, საყრდენ ზონაში გამოიყენოს, სადაც მას ფედერიკო ვალვერდე, ორელიენ ჩუამენი და ედუარდო კამავინგა დაეხმარებიან.
