მადრიდის რეალის ხელმძღვანელობამ გადაწყვეტილება მიიღო - სრული მხარდაჭერა ჩაბი ალონსოს.
Marca-ს ინფორმაციით, მადრიდულ კლუბში კვლავაც აგრძელებენ ალონსოს მხარდაჭერას და მას ახალი პროექტის მთავარ ფიგურად მიიჩნევენ - ესპანელი რეალისთვის იდეალურ მწვრთნელად მოიაზრება, მიუხედავად ბოლოდროინდელი შედეგებისა.
რეალი ალონსოს ყველანაირ გადაწყვეტილებას მიესალმება - მათ შორის ტაქტიკური მიზეზების გამო ვინისიუსის სათადარიგოთა სკამზე დატოვებასაც.
ალონსო პროექტის ლიდერად მიიჩნევა, რომლის სიტყვას და ავტორიტეტსაც ნებისმიერ ფეხბურთელზე დიდი ფასი აქვს. კლუბში არ ღელავენ ამჟამინდელი არეულობის გამო, რაც პირველ რიგში ქულების დაკარგვით არის გამოწვეული.
13 ტურის შემდეგ რეალი ლა ლიგას ლიდერობს და მეორეადგილოსან ბარსელონას 1 ქულით უსწრებს.
