რეალმა ვინისიუსის სასჯელი გაასაჩივრა - აპელაციის პასუხი ცნობილია

რეალი ვინისიუსის დისკვალიფიკაციის შემცირებას ცდილობს.

ვინისიუს ჟუნიორის ოთხმატჩიან დისკვალიფიკაციაზე რეალის საჩივარი არ დაკმაყოფილდა და ლა ლიგაში ბრაზილიელი შემტევის სასჯელი ძალაში დარჩა.

ამ გადაწყვეტილებით, ვინისიუსი სევილიასთან, ბარსელონასთან, რასინგსა და ვალენსიასთან შეხვედრებს გამოტოვებს.

რეალი გადაწყვეტილების გასაჩივრებას ესპანეთის სპორტულ ადმინისტრაციულ ტრიბუნალში (TAD) აპირებს.

შესაბამისად, კლუბი ჯერ კიდევ ცდილობს სასჯელის შეცვლას, თუმცა ამ ეტაპზე ბრაზილიელი ელ კლასიკოს მიღმა რჩება.

შეგახსენებთ, რომ ვინისიუსმა წითელი ბარათი ვილიარეალთან მატჩში, მეტოქის თმაზე მოქაჩვის გამო მიიღო. სადისციპლინო კომიტეტმა ბრაზილიელს 2-მატჩიანი დისკვალიფიკაცია წითლის გამო მისცა, 2 კი მსაჯის გადაწყვეტილების გაპროტესტებისთვის დაუმატა.