რიჩარლისონი მსოფლიოზე წასვლის შემთხვევაში უცნაურ პირობას დებს

რიჩარლისონმა ჯერ კიდევ არ იცის, მოხვდება თუ არა ბრაზილიის ნაკრებში, მაგრამ ზუსტად იცის, რას გააკეთებს თუ ანჩელოტი წაიყვანს.

რიჩარლისონის მდგომარეობა ახლა არც ისე სახარბიელოა. მისი გუნდი, ტოტენჰემი, პრემიერ ლიგის გასავარდნ ზონაშია, თავად ფეხბურთელის ადგილი კი ნაკრებში კითხვის ნიშნის ქვეშ დგას.

28 წლის ბრაზილიელმა France Football-თან ინტერვიუში განაცხადა, რომ აპირებს კაზემიროს რჩევა გაითვალისწინოს:

თუ მსოფლიო ჩემპიონატზე ვითამაშებ, ტელეფონს სახლში დავტოვებ.

ეს გადაწყვეტილება მან მას შემდეგ მიიღო, რაც წინა ჩემპიონატის დროს სოციალურმა ქსელებმა მასზე ცუდად იმოქმედა. რიჩარლისონმა აღიარა, რომ მაშინ ოჯახური და პირადი პრობლემები მას კონცენტრაციაში ხელს უშლიდა და ახლა უნდა, რომ ყველანაირი ყურადღების გამფანტველი საშუალება მოიშოროს.

კარლო ანჩელოტი მსოფლიო ჩემპიონატის საბოლოო შემადგენლობას 18 მაისს გამოაცხადებს. რიჩარლისონთან ერთად, გაურკვეველია ნეიმარის ბედიც.