რის ჯეიმსმა ჩელსისთან კონტრაქტი გაახანგრძლივა

ჩელსის ოფიციალური განცხადებით, გუნდის კაპიტანმა რის ჯეიმსმა კლუბთან ახალი კონტრაქტი გააფორმა, რომელიც 2032 წლამდე იმოქმედებს.

ჯეიმსმა ლურჯებთან პირველი ვარჯიში ექვსი წლის ასაკში ჩაატარა. მან პროგრესი განიცადა კლუბის აკადემიაში და დღეს უკვე ძირითადი გუნდის ერთ-ერთი მთავარი ფიგურაა.

მას 200-ზე მეტი მატჩი აქვს ჩატარებული ჩელსის მაისურით, მოიგო ხუთი მნიშვნელოვანი ტიტული, მათ შორის უეფას ჩემპიონთა ლიგა 2021 წელს და ფიფას საკლუბო მსოფლიო ჩემპიონატი ორჯერ, ხოლო გუნდის კაპიტნის სტატუსით 50-ზე მეტ შეხვედრაში ითამაშა.

„უზომოდ ბედნიერი ვარ, რომ კონტრაქტი გავახანგრძლივე, ჩელსი ჩემთვის ძალიან ბევრს ნიშნავს.

ყოველთვის ვამბობდი, რომ ჩემი საუკეთესო წლები აქ უნდა გავატარო და ნამდვილად მჯერა, რომ გვაქვს ყველაფერი, რაც საჭიროა წარსული წარმატებების გასაგრძელებლად.

მომავლის მიმართ ძალიან ოპტიმისტურად ვარ განწყობილი ამ მფლობელების, სპორტული დირექტორების, მწვრთნელისა და მთელი პერსონალის ხელმძღვანელობით და იმედი მაქვს, რომ მომდევნო წლებში ერთად კიდევ ბევრ ტიტულს მოვიგებთ.“ - განაცხადა ჯეიმსმა.