როდის დაბრუნდება ილია თოფურია? - დანა უაითი სავარაუდო თარიღს ასახელებს

ილია თოფურიამ მიანიშნა, რომ ოქტაგონზე დასაბრუნებლად ემზადება, თუმცა ამ დრომდე უცნობი იყო, რამდენ ხანს გასტანდა ეს პროცესი.

UFC-ის პრეზიდენტმა დანა უაითმა თოფურიას დაბრუნების სავარაუდო ვადებზე ისაუბრა და, როგორც ჩანს, გულშემატკივრებს მისი ხილვა მოსალოდნელზე ადრე შეეძლებათ.

2027 წელს. ის 2027 წლის დასაწყისში დაბრუნდება. ამ საკითხზეც ვმუშაობთ.

მსუბუქ წონით დივიზიონში გეიჯი, თოფურია, არმან ცარუკიანი, ოლივეირა, პედი პიმბლეტი და ჰოლოუეი გვყავს.

რეიტინგის საუკეთესო ათეულში მხოლოდ უმაღლესი დონის მებრძოლები არიან. ამჟამად ეს ჩვენი ყველაზე ძლიერი და სანახაობრივი დივიზიონია“, - განაცხადა უაითმა გადაცემაში „The Jim Rome Show“.

უაითმა თოფურიას მომავალი მეტოქეობის მთავარი კანდიდატის დასახელებისგან თავი შეიკავა და აღნიშნა, რომ ეს სოციალურ ქსელებში შეცდომაში შემყვანი პოსტების გავრცელებას გამოიწვევდა.

თუმცა, უაითის მიერ ჩამოთვლილ მებრძოლებს ამჟამად ოფიციალურად დადასტურებული მომავალი ბრძოლები არ აქვთ. შესაბამისად, UFC-ს თოფურიასთვის (17 მოგება, 1 მარცხი MMA-ში; 9 მოგება, 1 მარცხი UFC-ში) მეტოქის შერჩევის რამდენიმე ვარიანტი აქვს.

29 წლის ილია თოფურიას ივნისის შემდეგ არ უბრძოლია, როდესაც ჯასტინ გეიჯისთან სენსაციური მარცხი განიცადა. შეხვედრა თეთრ სახლში გამართული UFC Freedom 250-ის მთავარი ბრძოლა იყო.