საქართველოს ეროვნული ნაკრებისა და სევილიას ნახევარმცველმა გიორგი ქოჩორაშვილმა ფიზიკური დისკომფორტის შემდეგ სრულფასოვანი ვარჯიში განაახლა.
ქოჩორაშვილი დიდი ალბათობით, ესპანეთის ლა ლიგის მომდევნო ტურში მინდორზე დაბრუნდება.
ესპანური მედიის ცნობით, ანდალუსიელთა ბოლო ვარჯიშზე მთავარი სიახლე სწორედ ქართველი ფეხბურთელის დაბრუნება იყო. ფიზიკური პრობლემების გამო ქოჩორაშვილმა გუნდური ვარჯიშები გამოტოვა და მადრიდის რეალთან მატჩშიც ვერ ითამაშა, თუმცა სევილიას მომდევნო შეხვედრამდე კიდევ სამი ვარჯიში ექნება, რაც გიორგის ოპტიმალურ ფორმაში შესასვლელად დაეხმარება.
სევილია მომდევნო მატჩს 26 ოქტომბერს, რამონ სანჩეს პისხუანზე ოსასუნას წინააღმდეგ გამართავს. მიმდინარე სეზონში ქოჩორაშვილმა ლა ლიგის 6 შეხვედრაში მიიღო მონაწილეობა და 1 საგოლე პასი მიითვალა.
