როდის გათავისუფლდებიან მერაბი და საბა? - ახალი ინფორმაცია

საბა ლაზიშვილის ძმა, ზვიად ლაზიშვილი, მერაბსა და საბაზე ახალ ინფორმაციას ავრცელებს.

,,გამარჯობა, მეგობრებო. ძალიან ბევრი ადამიანი მირეკავს, მწერს საბასა და მერაბის საქმესთან დაკავშირებით.

მინდა გითხრათ, რომ ჩვენი საელჩო, RAF-ის წარმომადგენლები, ჩვენი ქვეყანა და ძალიან ბევრი ადამიანი ჩართულია ამ საქმეში და ცდილობენ დროულად მოაგვარონ ყველაფერი.

ამ ეტაპზე სასამართლო პროცესი დასრულებულია და როგორც ვიცით, ჩვენი ბიჭები 5 საათზე უკვე თავისუფლები იქნებიან.

ზუსტი ვერდიქტი დაახლოებით 12 საათზე გვეცოდინება, მაგრამ, როგორც ვიცით, ყველაფერი კარგად დამთავრდება და ღვთის შეწევნით არაფერი სერიოზული არ მოჰყვება ამ სიტუაციას.

უღრმესი მადლობა ყველას მხარდაჭერისთვის." - ამბობს ზვიად ლაზიშვილი სოციალურ ქსელში გავრცელებულ ვიდეოში.