უსმან ნურმაგომედოვსა და მერაბ დვალიშვილს შორის მომხდარი დაპირისპირების შემდეგ აბუ-დაბის პოლიციამ ოფიციალური განცხადება გაავრცელა.
აბუ-დაბის პოლიციამ სასტუმროს შესასვლელთან მომხდარ ჩხუბში მონაწილე 8 ადამიანი დააკავა. დაპირისპირება მათ შორის არსებული წინა უთანხმოების გამო დაიწყო. პოლიციამ ასევე დააკავა 2 პირი, რომლებიც ინციდენტს ვიდეოზე იღებდნენ.
დაკავებულების მიმართ გატარდა კანონით გათვალისწინებული შესაბამისი ზომები და ისინი მოქმედი კანონმდებლობის შესაბამისად საქმის წარმოების გასაგრძელებლად პროკურატურას გადაეცნენ.
ინციდენტი სასტუმროს შესასვლელთან დაიწყო, სადაც რამდენიმე ადამიანს შორის წარსულში არსებული უთანხმოება ფიზიკურ დაპირისპირებაში გადაიზარდა.
აბუ-დაბის პოლიციის სპეციალიზებული დანაყოფები შემთხვევის ადგილზე დაუყოვნებლივ გამოცხადდნენ და დააკავეს როგორც ჩხუბში მონაწილე პირები, ისე 2 ადამიანი, რომლებიც დაპირისპირებას ვიდეოზე იღებდნენ. მათ მიმართ გატარდა კანონით გათვალისწინებული შესაბამისი ზომები.
აბუ-დაბის პოლიცია კიდევ ერთხელ ადასტურებს თავის ერთგულებას უსაფრთხოებისა და საზოგადოებრივი წესრიგის დაცვის მიმართ და ხაზს უსვამს, რომ მკაცრად აღკვეთს ნებისმიერ ქმედებას, რომელმაც შესაძლოა საფრთხე შეუქმნას უსაფრთხოებას ან სხვა ადამიანების სიცოცხლესა და ჯანმრთელობას.
პოლიცია ასევე ხაზს უსვამს კანონებისა და რეგულაციების დაცვის, ასევე საზოგადოებაში ცივილიზებული და პასუხისმგებლობიანი ქცევის მნიშვნელობას“, - ნათქვამია აბუ-დაბის პოლიციის განცხადებაში.
,,ეს დიდი უსამართლობაა" - რა ინფორმაცია ვრცელდება მერაბ დვალიშვილსა და საბა ლაზიშვილზე?
