Real American Freestyle-ის (RAF) აღმასრულებელმა დირექტორმა ჩად ბრონშტეინმა პირველად ისაუბრა ინციდენტზე, რომელმაც ორგანიზაციის აბუ დაბიში სადებიუტო ღონისძიება დაჩრდილა.
ღონისძიებაში მონაწილეობა UFC-ის სუპერმსუბუქი წონის ყოფილ ჩემპიონ მერაბ დვალიშვილსაც ჰქონდა დაგეგმილი, თუმცა ამ ეტაპზე უცნობია, შეძლებს თუ არა ქართველი სპორტსმენი ასპარეზობას მას შემდეგ, რაც მას უსმან ნურმაგომედოვის გარემოცვა დაესხა თავს.
RAF-ის თანადამფუძნებელ ჩად ბრონშტეინს უსმან ნურმაგომედოვსა და მერაბ დვალიშვილს შორის მომხდარი ინციდენტის შესახებ ჰკითხეს.
ბრონშტეინმა დვალიშვილის ჯანმრთელობის მდგომარეობაზე ისაუბრა და დაადასტურა, რომ უსმან ნურმაგომედოვს შაბათს დაგეგმილ ღონისძიებაზე დასწრება აეკრძალა.
ამჟამად სიტუაციის მოგვარებაზე ვმუშაობთ. მერაბი კარგად არის. ახლა არაბთა გაერთიანებული საამიროების შესაბამის უწყებებთან ერთად ვცდილობთ საკითხის მოგვარებას. იმედი გვაქვს, რომ ყველაფერი რაც შეიძლება მალე მოგვარდება.
რა თქმა უნდა, უსმან ნურმაგომედოვი შაბათს ჩვენს ღონისძიებას ვერ დაესწრება.
იმედი გვაქვს, რომ მერაბი შეჯიბრებაში მონაწილეობას მიიღებს. ის აქ სპეციალურად ჩამოფრინდა და RAF-ისთვის ყოველთვის გამორჩეული სპორტსმენი იყო.
მგონი, ეს მისთვის RAF-ის მე-5 ტურნირი იქნება. ამიტომ ვიმედოვნებთ, რომ მერაბი ასპარეზობას შეძლებს“, - განაცხადა ჩად ბრონშტეინმა.
,,ჩვენ ასე არ გავზრდილვართ" - რა თქვა ჭიკაძემ RAF-ის პრესკონფერენციაზე?
