არმან ცარუკიანი აბუ-დაბიში, მერაბ დვალიშვილსა და უსმან ნურმაგომედოვს შორის მომხდარ სკანდალურ დაპირისპირებას გამოეხმაურა.
ცნობილმა მებრძოლმა განსაკუთრებული ყურადღება მერაბის თანმხლებ 21 წლის საბა ლაბიშვილზე გაამახვილა, რომელმაც ჩხუბის დროს რამდენიმე დაღესტნელს საკადრისი პასუხი გასცა.
ცარუკიანი ქართველი ახალგაზრდის მოქმედებებმა აღაფრთოვანა:
ის უბრალოდ მხეცია! რაები აკეთა! გათიშა, დააგდო, შევარდა! გავიგე, რომ ჯერ მებრძოლიც არაა და მოჭიდავეა. მერაბმა მარტო ჩხუბებზე უნდა წაიყვანოს, მართლა მხეცია
უშუალოდ კონფლიქტთან დაკავშირებით, არმანი თვლის, რომ ვითარების ესკალაცია და ეროვნებათაშორისი შუღლის გაღვივება დაუშვებელია. მისი აზრით, მხარეები უკვე ბარიბარში არიან და ახლა აუცილებელია, ხაბიბ ნურმაგომედოვმა ან უფროსი თაობის წარმომადგენლებმა იაქტიურონ, რათა სპორტსმენებმა ერთმანეთს ხელი ჩამოართვან და დაპირისპირება მშვიდობიანად, ყოველგვარი გაგრძელების გარეშე დასრულდეს.
ამასობაში, ინციდენტს უკვე მოჰყვა სამართლებრივი შედეგები - ოფიციალური ინფორმაციით, პოლიციამ 10 პირი დააკავა, საიდანაც 8 უშუალოდ ჩხუბში მონაწილეობდა, 2 კი ვიდეოს იღებდა. ამ ფონზე, ჯერ კიდევ უცნობია, შეძლებს თუ არა მერაბ დვალიშვილი RAF-ის ტურნირზე მარლონ მორაესის წინააღმდეგ დაგეგმილი საჭიდაო მატჩის ჩატარებას.
ვინ არის საბა ლაზიშვილი? - 21 წლის მოჭიდავე, რომელიც მერაბთან ერთად თავდამსხმელებს დაუპირისპირდა
