რეალ მადრიდი ამ ზაფხულს შემადგენლობის გასაძლიერებლად და ბალანსის აღსადგენად მაღალი პროფილის ტრანსფერებს გეგმავს.
სამეფო კლუბის ერთ-ერთი მთავარი სამიზნე მანჩესტერ სიტის ესპანელი საყრდენი, როდრია.
ბრიტანული გამოცემა Manchester Evening News-ის ცნობით, ფლორენტინო პერესს სურს 29 წლის ნახევარმცველი მადრიდში დააბრუნოს, რათა დაცვის ხაზის წინ საიმედო საყრდენი ჰყავდეს. თუმცა, გავრცელებული ინფორმაციით, როდრი ამ ეტაპზე სიტის დატოვებას არ აპირებს და რეალში გადასვლის მიმართ ინტერესს არ იჩენს.
მანჩესტერ სიტი პოზიციებს არ თმობს
სიტიში დარწმუნებულები არიან, რომ 2024 წლის ოქროს ბურთის მფლობელი კლუბთან ახალ, გრძელვადიან კონტრაქტს მალე გააფორმებს. კლუბის ხელმძღვანელობა როდრის გუნდის შეუცვლელ საყრდენად მიიჩნევს და მის გაშვებას არ გეგმავს.
მიუხედავად იმისა, რომ როდრიმ ცოტა ხნის წინ Onda Cero-სთან ინტერვიუში ესპანეთში დაბრუნების სურვილი არ გამორიცხა, პეპ გვარდიოლა და სიტის ახალი დირექტორი, უგო ვიანა, ყველაფერს აკეთებენ მისი შესანარჩუნებლად. თუ როდრი ახალ კონტრაქტს არ გააფორმებს, სიტი მას მხოლოდ ასტრონომიული თანხის სანაცვლოდ დათმობს, რათა 2027 წელს თავისუფალი აგენტის სტატუსით წასვლა თავიდან აიცილოს.
