The Athletic-ის ცნობით, როდრიგო მადრიდის რეალსა და ბრაზილიის ნაკრებში რეგულარულ თამაშს აგრძელებდა, მიუხედავად იმისა, რომ 2023 წელს ეროვნული ნაკრების შეკრებაზე ყოფნისას მარჯვენა მუხლში წინა ჯვარედინი იოგი (ACL) ნაწილობრივ გაიწყვიტა.
სამშაბათს 25 წლის ფეხბურთელს იმავე მუხლის ACL-ის სრული გაწყვეტა და ლატერალური მენისკის დაზიანება დაუდგინდა - ტრავმა, რომელიც მან ორშაბათს ლა ლიგაში ხეტაფესთან საშინაო მატჩში (0:1) მიიღო.
მოსალოდნელია, რომ როდრიგო დაახლოებით ერთი წლით იქნება თამაშგარეში, რაც ნიშნავს, რომ ის მსოფლიო ჩემპიონატს გამოტოვებს, რომელიც ამ ზაფხულს აშშ-ში, კანადასა და მექსიკაში გაიმართება.
2023 წელს ექიმების მიერ ჩატარებული დეტალური გამოკვლევის შემდეგ გადაწყდა, რომ მადრიდელთა თავდამსხმელს ACL-ის ნაწილობრივი გაწყვეტის გამო ოპერაცია არ გაეკეთებინა და მან რეგულარულად თამაში განაგრძო.
,,ჩემთვის ერთ-ერთი ყველაზე სევდიანი დღეა" - ნეიმარი როდრიგოს ტრავმაზე
