როგორ გადალახა ინგლისმა აცტეკას ჯოჯოხეთი

ინგლისის ნაკრებმა მექსიკაში, ლეგენდარულ აცტეკას სტადიონზე ისტორიული და ქაოსური მატჩი გადაიტანა, სადაც 10 კაცით დარჩენილმა ტომას ტუხელის გუნდმა მასპინძლები 3:2 დაამარცხა.

მთავარი გამარჯვებულები: ჯუდ ბელინგემი და ტომას ტუხელი

მატჩის მთავარი გმირი ჯუდ ბელინგემი გახდა, რომელმაც პირველ ტაიმში ორწუთიან ინტერვალში დუბლი შეასრულა და ინგლისი 2:0 დააწინაურა, მეორე ტაიმში კი ნამდვილი ბრძოლა აჩვენა. ტუხელმა მატჩის შემდეგ აღნიშნა:

თუ გვინდა, რომ მუნდიალზე შორს წავიდეთ, ფეხბურთი ყოველთვის გლამურული ვერ იქნება. მთავარია, რომ გუნდმა ხასიათი გამოავლინა

გერმანელმა სპეციალისტმა კრიტიკული მომენტების დროს ცივი გონება შეინარჩუნა, როცა გუნდი 10 კაცით დარჩა, მან მოედანზე დენ ბერნი შეიყვანა, დაცვაში 5-3-1 სქემა ააგო და მექსიკის შტურმს გაუძლო. გამარჯვებულთა შორის მოხვდა მეკარე ჯორდან პიკფორდიც, რომელმაც რამდენიმე უმნიშვნელოვანესი სეივი შეასრულა.

მთავარი დამარცხებულები: ჯარელ კუანზა და მექსიკა

შეხვედრის ანტიგმირი ლივერპულის ახალგაზრდა მცველი ჯარელ კუანზაა. ის მარჯვენა მცველის პოზიციაზე მოულოდნელად სასტარტოში გამოჩნდა, თუმცა მეორე ტაიმში უხეში თამაშის გამო მოედნიდან პირდაპირ გააძევეს, რითაც გუნდი უმძიმეს მდგომარეობაში ჩააგდო.

მუნდიალს გამოეთიშა თავად მასპინძელი მექსიკაც. მიუხედავად იმისა, რომ ხავირ აგირეს გუნდმა იბრძოლა და ხიმენესის პენალტით ჩამორჩენაც შეამცირა, მათ ინგლისის კლასსა და სისწრაფეს ვერაფერი დაუპირისპირეს. ინგლისი მეოთხედფინალში გავიდა, სადაც მაიამიში ნორვეგიას შეხვდება.