მსოფლიო ფეხბურთში ლამინ იამალის, კილიან მბაპესა და ერლინგ ჰოლანდის გამოჩენამ გააჩინა კითხვა - ვინ დაიკავებს ლიონელ მესისა და კრიშტიანუ რონალდუს ტახტს?
თუმცა, სპორტინგის ყოფილი ფეხბურთელი ტონიტო ახალგაზრდა ვარსკვლავებს აფრთხილებს, რომ ლეგენდების დონის მიღწევა თითქმის შეუძლებელია, რადგან მთავარი გამოწვევა არა საწყისი ბრწყინვალება, არამედ სტაბილურობაა.
სააგენტო Lusa-სთან ინტერვიუში ტონიტომ განაცხადა:
ლიონელ მესი და კრიშტიანუ რონალდუ სულ სხვა მასშტაბის ფიგურები არიან. სხვა ფეხბურთელებზე რომ ვისაუბროთ, ჯერ უნდა ვნახოთ, შეძლებენ თუ არა ამ დონის ამდენი წლის განმავლობაში შენარჩუნებას. იამალის, მბაპესა და ჰალანდის მთავარი სირთულე სწორედ ესაა, ისინი კარგი მოთამაშეები არიან, მაგრამ უნდა დაამტკიცონ, რომ ამ დონეზე ისტორიის დაწერა შეუძლიათ
ტონიტო მიიჩნევს, რომ მესისა და რონალდუს 20-წლიანი დომინაცია სპორტში უნიკალური მოვლენაა. მუნდიალის მერვედფინალში პორტუგალიისა და ესპანეთის მატჩის წინ, მან უპირატესობა პორტუგალიელებს მიანიჭა, თუმცა აღნიშნა, რომ ლამინ იამალის სისწრაფე ესპანეთის ნაკრებისთვის უდიდესი იარაღია. მიუხედავად ამისა, რობერტო მარტინესის გუნდს უფრო მრავალფეროვანი შემადგენლობა ჰყავს, რაც მათ ფავორიტად აქცევს.
