რონალდუ: "ვიცი, რომ სათამაშოდ ბევრი წელი აღარ დამრჩა"

კრიშტიანუ რონალდუმ ისაუბრა თუ კიდევ რამდენი ხანი სურს პროფესიონალური კარიერის გაგრძელება.

„მინდა კიდევ რამდენიმე წელი ვითამაშო - არც ისე ბევრი… უნდა ვიყო გულწრფელი.

ახლაც კარგ რამეებს ვაკეთებ, ვეხმარები ჩემს კლუბსა და ეროვნულ ნაკრებს. რატომ არ უნდა გავაგრძელო? დარწმუნებული ვარ, როცა კარიერას დავასრულებ, თავს დაკმაყოფილებულად ვიგრძნობ, რადგან ყველაფერი გავიღე.

მადლობას ვუხდი ყველა თანაგუნდელს იმისთვის, რაც მათგან ვისწავლე - მათ შორის ახალგაზრდა თაობასაც.

ჩვენი მიზანია მოვიგოთ შემდეგი ორი თამაში და გავიდეთ მსოფლიო ჩემპიონატზე. რა მოხდება იქ, მერე ვნახავთ.

მთავარია, ამ წუთით ტკბობა. ვიცი, რომ სათამაშოდ ბევრი წელი აღარ დამრჩა, მაგრამ ის მცირე დრო, რაც მაქვს, მაქსიმალურად მინდა გამოვიყენო.

მე მაქვს ფილოსოფია - ვიცხოვრო დღითიდღე. არ მაქვს გრძელვადიანი გეგმები. ვტკბები თითოეული დღითა და თითოეული ვარჯიშით.“ - განაცხადა 40 წლის ლეგენდარულმა პორტუგალიელმა.