რონალდუს უცნაური ანტირეკორდი

კრიშტიანუ რონალდუს მსოფლიო ჩემპიონატების ისტორია მწარე ნოტით დაიხურა.

პორტუგალიის ნაკრების მერვედფინალიდან გამოვარდნასთან ერთად, 41 წლის თავდამსხმელმა ორ უსიამოვნო ანტირეკორდს მოაწერა ხელი.

Opta-ს მონაცემებით, რონალდუ ერთადერთი თავდამსხმელია, რომელმაც 2022 და 2026 წლების მუნდიალებზე ჯამში 500-ზე მეტი წუთი ითამაშა ისე, რომ არცერთი დრიბლინგი არ განუხორციელებია და მეტოქე ერთხელაც არ მოუტყუებია. მიუხედავად იმისა, რომ მიმდინარე ტურნირზე მან 3 გოლი გაიტანა (დუბლი უზბეკეთთან და პენალტი ხორვატიასთან), მისი თამაში მხოლოდ საჯარიმოში პოზიციის შერჩევით შემოიფარგლა.

გარდა ამისა, ესპანეთთან მარცხი (0:1) მისთვის მერვე აღმოჩნდა მუნდიალებზე, რითაც ტურნირის ისტორიაში ყველაზე მეტი წაგების ანტირეკორდი გაათანაბრა. მატჩის შემდეგ ლეგენდამ აღნიშნა:

„ძალიან მწყდება გული, რომ მსოფლიო ჩემპიონატს ასე ვემშვიდობები. ეს ჩემი ბოლო მუნდიალი იყო. თუმცა, ხვალ სუფთა სინდისით გავიღვიძებ, 23 წელი ვიცავდი ნაკრების ღირსებას. ჩემამდე პორტუგალიას არაფერი ჰქონდა მოგებული, 2016 წლის ევრო კი ჩემთვის მსოფლიო თასის ტოლფასია“.

 

კრიტიკის მიუხედავად, რონალდუმ დაამატა, რომ ნაკრებში ყოველთვის უმნიშვნელოვანესი როლი ექნება, მიუხედავად იმისა, მოედანზე იქნება თუ სათადარიგოთა სკამზე.