NFL-ის ლეგენდა ტომ ბრეიდი შოკირებულია ლიონელ მესისა და არგენტინის ნაკრების მიერ ეგვიპტესთან შესრულებული წარმოუდგენელი ქამბექით (3:2).
ამერიკული ფეხბურთის ხატმა აღნიშნა, რომ ატლანტაში გამართულმა მატჩმა შესაძლოა მის მიერ ნიუ ინგლენდ პეტრიოტსში შესრულებულ სუპერბოულის ისტორიულ სასწაულსაც კი გადაუაროს.
არგენტინა მატჩის მიწურულს მოჰამედ სალაჰის ეგვიპტესთან 0:2-ს აგებდა, თუმცა 79-ე წუთიდან ნამდვილი საოცრება დაიწყო. არგენტინამ ერთი გოლი გაქვითა, მალევე მესიმ ანგარიში გაათანაბრა, მსაჯის მიერ დამატებულ მეორე წუთზე კი ენცო ფერნანდესმა გამარჯვების გოლი შეაგდო და ეგვიპტე სახლში გაუშვა.
ბრეიდიმ, რომელმაც თავის დროზე სუპერბოულში ატლანტა ფალკონსთან 3:28 ჩამორჩენა შემოატრიალა და 34:28 გაიმარჯვა, სოციალურ ქსელ X-ზე დაწერა:
ჰო, ამამ შესაძლოა ჩემს 28:3-საც კი გადაასწროს
მესიმ არგენტინა სენსაციურ გამოვარდნას გადაარჩინა და კიდევ ერთხელ დაამტკიცა, რომ კრიტიკულ მომენტებში უდიდესი წნეხის გაძლება შეუძლია. ლიონელ სკალონის გუნდი მეოთხედფინალში გავიდა, სადაც მსოფლიო ჩემპიონობის ტიტულის დასაცავად ბრძოლას აგრძელებს.
