"რთული მდგომარეობა ჩანს, კოჭის დაზიანებაა" - ლუის ენრიკე კვარაცხელიას ტრავმაზე

პსჟ-ს მთავარმა მწვრთნელმა, ლუის ენრიკემ ხვიჩა კვარაცხელიას ტრავმის შესახებ მოკლე კომენტარი გააკეთა.

"კოჭის ტრავმაა. რთული მდგომარეობა ჩანს... კიდევ ერთი საკვანძო ფეხბურთელი დაშავდა. ვნახოთ, ტესტი რა შედეგს აჩვენებს, იმედია, კარგი ამბავი გვექნება", - აღნიშნა ესპანელმა.

ჩემპიონთა ლიგის მე-8 ტურში, ნიუკასლთან მატჩისას, ქართველი შემტევი 22-ე წუთზე დაშავდა მას შემდეგ, რაც ორთაბრძოლისას ენტონი ელანგამ კოჭში ვარდნისას მისი მარჯვენა ფეხი ჩაიყოლა და სერიოზული ტკივილი მიაყენა. ხვიჩა დუემ შეცვალა.

მოედნიდან გასვლამდე, კვარამ ასისტის გაკეთება მოასწრო - მე-8 წუთზე, მარჯვენა ფლანგიდან უტევდა, ბურთი ვიტინიას გადააწოდა და პორტუგალიელმა დაბალ კუთხეში შეაგდო.

ხვიჩასთვის ჩემპიონთა ლიგის მიმდინარე სეზონში მე-7 შეხვედრაში შესრულებული მე-6 საგოლე მოქმედებაა - 3 გოლი და 3 ასისტი.

პსჟ-სა და ნიუკასლის მატჩი ფრედ 1:1 დასრულდა, რითაც ორივე მათგანი ლიგის ფაზის ტოპ 8 გუნდს მიღმა დარჩა და 1/8 ფინალში მოსახვედრად ბრძოლას პლეი-ინში გააგრძელებენ.