თბილისში მიმდინარე MMA-ის მსოფლიო ჩემპიონატზე, იუნიორებს შორის, 97+ წონით კატეგორიაში, ლექსო საბანაძემ ფინალური ბრძოლა წააგო და ვერცხლის მედალს დასჯერდა.
საბანაძემ ტაჯიკი ნოზიმჯონ უზოქოვის წინააღმდეგობა ვერ დასძლია და ტექნიკური ნოკაუტით, პირველსავე რაუნდში დამარცხდა.
საქართველოს ნაკრებმა მიმდინარე ტურნირზე პირველი ვერცხლის, ჯამში კი მე-3 მედალი მოიპოვა - გია გატიკაშვილი (იუნიორებში - 83.9 კგ.) და რომან ჩოჩიშვილი (83.9 კგ.) ბრინჯაოს მედლებს დაეუფლნენ.
შეგახსენებთ, ხვალ, 2 ოქტომბერს, მსოფლიო ჩემპიონატის ოქროს მედლისთვის 3 ქართველი იჩხუბებს - მარიამ თოფურია (79.4 კგ.), მირზა გაჯიევი (79.4 კგ.) და გიორგი იმერლიშვილი (+97 კგ.).
