თბილისში მიმდინარე MMA-ის მსოფლიო ჩემპიონატზე 4 ქართველი მებრძოლი ოქროს მედლისთვის იჩხუბებს - გიორგი იმერლიშვილი, მირზა გაჯიევი, მარიამ თოფურია და ლექსო საბანაძე.
97+ კგ. წონით კატეგორიაში, გიორგი იმერლიშვილმა ურთულეს 1/2 ფინალურ დაპირისპირებაში ფრანგ ჟერემი დედეს მოუგო და ფინალში უკრაინელ ოლეკსანდრ ხოდაკოვს შეხვდება.
79.4 კგ. წონითი კატეგორიის ფინალში იჩხუბებს მირზა გაჯიევი, რომლის მეტოქე ბაჰრეინის სახელით მოასპარეზე გიმბატ მაგომედოვი იქნება.
ქალთა შორის, 79.4 კგ. წონით კატეგორიაში, მარიამ თოფურიამ 1/2 ფინალური ბრძოლა 22 წამში მოიგო და ფინალში ოქროსთვის ინგლისელ ალანა პრიჩარდთან იჩხუბებს.
იუნიორთა შორის, 97+ კგ. წონით კატეგორიაში, ლექსო საბანაძემ 1/4 ფინალური და 1/2 ფინალური ეტაპი დამაჯერებლად გაიარა - ფინალში მისი მეტოქე ტაჯიკი ნოზიმჯონ უზოქოვი იქნება.
საქართველოს ნაკრები მსოფლიო ჩემპიონატს გარანტირებულად 6 მედლით დაასრულებს - მიმდინარე ტურნირზე ბრინჯაოს მედლები რომან ჩოჩიშვილმა (83.9 კგ.) და გია გატიკაშვილმა (იუნიორებში - 83.9 კგ.) მოიპოვეს.
ფინალური ბრძოლები 1-2 ოქტომბერს ჩატარდება. გათამაშება თბილისის ოლიმპიურ სასახლეში მიმდინარეობს და მასზე დასწრება ნებისმიერ მსურველს უფასოდ შეუძლია.
