გიორგი იმერლიშვილი თბილისში მიმდინარე MMA-ის მსოფლიო ჩემპიონატის, 97+ კგ. წონითი კატეგორიის, ფინალურ ბრძოლაში უკრაინელ ოლეკსანდრ ხოდაკოვთან დამარცხდა.
ბრძოლა გარდამავალი უპირატესობით წარიმართა - ხოდაკოვი სტრაიკინგით გამოირჩეოდა და კარგი დარტყმები შეასრულა, ქართველმა კი მეტოქე ორჯერ შებოჭა, ერთხელ კი კარგი გდება გაუკეთა. საბოლოოდ, მსაჯებმა გამარჯვება უკრაინელ მებრძოლს მიაკუთვნეს.
შედეგად, საქართველოს ნაკრებისთვის მსოფლიო ჩემპიონატი 4 ვერცხლისა და 2 ბრინჯაოს მედლით დასრულდა - გია გატიკაშვილმა (იუნიორებში - 83.9 კგ.) და რომან ჩოჩიშვილმა (83.9 კგ.) ბრინჯაოს მედლები მოიპოვეს, იმერლიშვილის მსგავსად, ვერცხლის მედლებს კი ლექსო საბანაძე (იუნიორებში - 97+ კგ.), მარიამ თოფურია (79.4 კგ.) და მირზა გაჯიევი (79.4 კგ.) დაეუფლნენ.
