სადიო მანე: "რატომ დავტოვე ლივერპული?"

სადიო მანემ იმის შესახებ ისაუბრა, თუ რატომ დატოვა ლივერპული.

„ლივერპულში თითქმის შვიდი წელი ვიყავი. დიდი გზა გავიარე და მთელი ცხოვრება გამოწვევებს უკავშირდებოდა. როცა ლივერპულში ჩავედი, გუნდი საერთოდ ჩემპიონთა ლიგაზეც არ იყო, გახსოვთ, როგორ იყო ყველაფერი...

მაგრამ ფეხბურთელებთან, მწვრთნელებთან, პერსონალთან ერთად რაღაც მნიშვნელოვანი ავაშენეთ. თითქმის ყველაფერი მოვიგეთ. აქ ყველაფერი სახლივით იყო. ეს ჩემი კომფორტის ზონა გახდა.

ერთ მომენტში ვიფიქრე: ‘მოდი, რაღაც ახალს ვცდი.’ იქ თითქმის ყველაფერი მოვიგე, ამიტომ გამოწვევა ფულთან არანაირად არ იყო დაკავშირებული; ეს ჩემთვის არასდროს იყო მნიშვნელოვანი. მნიშვნელოვანი იყო კომფორტის ზონიდან გამოსვლა და რაღაც განსხვავებულის გაკეთება.

ამიტომაც ვთქვი: ‘კარგი, მოდი ვცადოთ.’ პრემიერ ლიგაში სხვა კლუბზეც ვფიქრობდით, რომელიც იმ პერიოდში ლივერპულზე უკეთესად თამაშობდა. მაგრამ შემდეგ საქმეში ბაიერნი ჩაერთო, ძალიან აქტიურად, ძალიან მტკიცედ და ვთქვი: ‘კარგი, მოდი იქ გადავალ.’“ - განაცხადა სენეგალელმა.

"ერთხელ ნამდვილად გავბრაზდი" - მანე სალაჰთან ურთიერთობაზე