ნეაპოლში 23-წლამდელ ძიუდოისტთა ევროპის ჩემპიონატი მიმდინარეობს.
საქართველოს ნაკრებმა ასპარეზობა სამი ბრინჯაოს მედლით დაიწყო. ტურნირის პირველ დღეს საპრიზო ადგილები ლუკა გადელიამ, მათე ბერუაშვილმა და ნინო ლოლაძემ დაიკავეს.
60 კილოგრამ წონით კატეგორიაში ლუკა გადელია ნახევარფინალამდე დამაჯერებლად მივიდა, სადაც მომავალ ჩემპიონთან, ისრაელელ იეჰონათან ვეკსლერთან დამარცხდა. ბრინჯაოს მედლისთვის შეხვედრაში ქართველმა ძიუდოისტმა სომეხი შავარშ ნაჰაპეტიანი შიდოების ხარჯზე დაამარცხა და საპრიზო სამეულში ადგილი დაიბევა.
73 კილოგრამ წონით კატეგორიაში ნახევარფინალურ ეტაპზე ორი ქართველი ძიუდოისტი გამოდიოდა. გიორგი ლოლაძე ვიქტორ სკერლევთან დამარცხდა, ხოლო მათე ბერუაშვილი. ფაბრიციო ესპოზიტოსთან. მედლებისთვის გადამწყვეტ შეხვედრებში ბერუაშვილმა აბილ იუსუბოვის სძლია და ბრინჯაოს მედალს დაეუფლა, ხოლო ლოლაძე ვლად მიტრუსთან დამარცხდა და უმედლოდ დარჩა.
გოგონათა ტურნირზე, 57 კილოგრამ წონით კატეგორიაში, ნახევარფინალამდე მიაღწია ნინო ლოლაძემაც, სადაც მიკელა ტერანოვასთან დათმო შეხვედრა. რეპეშაჟის გადამწყვეტ ორთაბრძოლაში ქართველმა სპორტსმენმა კაროლინა სიენიკა დაამარცხა და ევროპის ჩემპიონატის ბრინჯაოს პრიზიორი გახდა.
