სამწუხარო ამბავი ნიდერლანდელი ლეგენდის ოჯახში

სამწუხარო ამბავი რონალდ კუმანისა და ნიდერლანდური ფეხბურთისთვის.

ნიდერლანდების ნაკრების ყოფილი მთავარი მწვრთნელისა და ბარსელონას ლეგენდის, რონალდ კუმანის მეუღლე ბარტინა კუმან-ბოდეველდი 65 წლის ასაკში, კიბოსთან ხანგრძლივი ბრძოლის შემდეგ გარდაიცვალა.

წლების განმავლობაში ნიდერლანდელი სპეციალისტი დიდი თავშეკავებით საუბრობდა მეუღლის სიმამაცეზე, რომლითაც ის დაავადებასა და მძიმე მკურნალობის პროცესს უმკლავდებოდა. წყვილი რამდენიმე ათეული წლის განმავლობაში იყო დაქორწინებული და მათ 3 შვილი ჰყავთ.

„უდიდესი მწუხარებით, თუმცა ამავდროულად დიდი სიამაყითა და სიყვარულით, ვემშვიდობებით ჩემს შესანიშნავ მეუღლეს, ჩვენს უსაყვარლეს დედასა და ბებიას.“ - წერს რონალდ კუმანი სოციალურ ქსელში.

რონალდ და ბარტინა კუმანები 41 წლის განმავლობაში იყვნენ დაქორწინებული.

„მწუხარებით შევიტყვეთ ჩვენი ყოფილი მთავარი მწვრთნელის, რონალდ კუმანის მეუღლის, ბარტინა კუმანის გარდაცვალების შესახებ.

რონალდს, მათ შვილებსა და შვილიშვილებს, ოჯახის წევრებსა და სხვა ახლობლებს ამ უდიდესი დანაკარგის გადატანისთვის დიდ ძალასა და მხნეობას ვუსურვებთ.“ - წერს ნიდერლანდების ფეხბურთის ფედერაცია.