BRAVE Combat Federation კვლავ აფართოებს საზღვრებს, როგორც მსოფლიოს ყველაზე სწრაფად მზარდი და გლობალური MMA ორგანიზაცია, რომელიც პირველად გამოჩნდება საქართველოში.
ოფიციალურ განცხადებას თავად ორგანიზაცია ავრცელებს.
პარასკევს, 3 ოქტომბერს, თბილისის ახალ სპორტის სასახლეში BRAVE CF: საქართველო VS. მსოფლიო - დაუვიწყარი შოუ გაიმართება, რომელიც Georgian Fighting Championship-თან (GFC) პარტნიორობით ჩატარდება, ეს კი BRAVE-ის საერთაშორისო საბრძოლო კვირის ცენტრალური ღონისძიება იქნება.
ეს ღონისძიება კიდევ ერთი მნიშვნელოვანი ეტაპია BRAVE-ისთვის. საქართველო ხდება 37-ე ქვეყანა, რომელიც უმასპინძლებს BRAVE CF-ის ტურნირს, რაც კიდევ უფრო ამყარებს ორგანიზაციის რეპუტაციას.
საქართველო მსოფლიოში ერთ-ერთ უმდიდრეს საბრძოლო სპორტის ტრადიციას ფლობს.
BRAVE CF-ის თბილისში სტუმრობა ჩვენთვის საამაყო მომენტია,“ – განაცხადა BRAVE CF-ის პრეზიდენტმა, მოჰამედ შაჰიდმა.
„არცერთი სხვა ორგანიზაციას არ გაუტანია MMA ამდენ ევროპულ ქვეყანაში, როგორც BRAVE CF-ს, საქართველო VS. მსოფლიო იქნება უნიკალური შესაძლებლობა, ვაჩვენოთ ქვეყნის ტალანტი მსოფლიო ასპარეზზე და დავაჩქაროთ MMA-ს განვითარება რეგიონსა და მის მიღმა.“
საქართველო: საბრძოლო სპორტების აკვანი
ქვეყანა, რომელსაც დიდი ისტორია აქვს ჭიდაობაში, ძიუდოსა და საბრძოლო ხელოვნებებში, იდეალური ადგილია საერთაშორისო დაპირისპირებისთვის.
ქართველი მებრძოლები დაუპირისპირდებიან მოწინააღმდეგეებს მსოფლიოს სხვადასხვა კუთხიდან, რითაც თბილისი გადაიქცევა ეროვნული სიამაყისა და საერთაშორისო კონკურენციის ნამდვილ ბრძოლის ველად.
საქართველომ უკვე ჩაწერა თავისი თავი BRAVE CF-ის ისტორიაში ილია „ელ მატადორ“ თოფურიასა და გურამ „ვიკინგი“ ქუთათელაძის საშუალებით, რომლებიც წარმოადგენენ ქვეყნის ელიტურ მებრძოლთა რიგს.
დღეს ეს ტრადიცია გრძელდება ისეთებით, როგორებიც არიან რაულ თუთარაული, ლაშა აბრამიშვილი და ბიძინა გავაშელიშვილი, ხოლო ახალი თაობა მზადაა საშინაო არენაზე საკუთარი შესაძლებლობების საჩვენებლად.
დასამახსოვრებელი ღამე
მაყურებლებს ელით დრამატული ბრძოლები, დაპირისპირებები და მსოფლიო დონის კონკურენცია, რადგან BRAVE CF: საქართველო VS. მსოფლიო გადაიქცევა სიძლიერისა და საერთაშორისო ერთიანობის დღესასწაულად საბრძოლო ხელოვნების საშუალებით.
მალე გამოცხადდება ოფიციალური ბრძოლები და დამატებითი დეტალები, საქართველო კი ემზადება თავისი MMA-ს ისტორიის უდიდესი შოუსთვის.
