"საუკეთესოობა მოედანზე უნდა დაამტკიცო", - პსჟ-ს ფორვარდმა იამალს უპასუხა

გონსალო რამოშმა ბარსელონასთან მატჩის შემდეგ ლამინ იამალზე გააკეთა კომენტარი.

პსჟ-მ ბარსელონა მისსავე მოედანზე 2:1 დაამარცხა, პორტუგალიელმა ფორვარდმა გამარჯვების გოლი 90-ე წუთზე გაიტანა.

მატჩის წინ ბარსას შემტევმა, ლამინ იამალმა, რომელიც ბოლო თამაშები ტრავმის გამო გამოტოვა, სოციალურ ქსელში ვიდეო გამოაქვეყნა, რომელშიც თავის დაბრუნებაზე მიუთითებდა: "მე დავბრუნდი, ისევე როგორც ჩემი მისია", მეორე სთორისში კი მან მიგვითითა, რომ ზეწოლა არ აშინებს.

თამაშის დასრულების შემდეგ, რამოშს სთხოვეს, იამალის ამ რეპლიკებზე კომენტარი გაეკეთებინა:

„ჩვენ ევროპის ჩემპიონები ვართ. მეტი არაფრის თქმა არ მინდა.

თუ საუკეთესო ხარ, ეს მოედანზე უნდა დაამტკიცო და არა ლაპარაკით." - აღნიშნა პსჟ-ს ფორვარდმა.