სელტიკმა მარტინ ონილს სრულფასოვანი კონტრაქტი გაუფორმა მას შემდეგ, რაც მან გუნდს შოტლანდიის ჩემპიონატი და თასი მოაგებინა.
74 წლის სპეციალისტი კლუბში გასულ სეზონში ორჯერ მივიდა დროებითი მწვრთნელის სტატუსით - ჯერ ბრენდან როჯერსის წასვლის, შემდეგ კი ვილფრიდ ნანსის 33-დღიანი კრახის შემდეგ. ონილმა გუნდს დუბლი შეასრულებინა და ჯილდოდ 1-წლიანი კონტრაქტი მიიღო.
კლუბის ყოფილმა ფორვარდმა, კენი მილერმა GOAL-თან ინტერვიუში აღნიშნა, რომ ასაკის მიუხედავად, ონილი საუკეთესო არჩევანია:
მარტინს ფეხბურთში ყველაფერი უნახავს. მოედანთან რომ დგას, საერთოდ არ ეტყობა ასაკი, ზუსტად ისე გამოიყურება, როგორც 25 წლის წინ! მის გვერდით არიან ახალგაზრდა, ენერგიული ასისტენტები - შონ მალონი და მარკ ფოთერინგემი, რომლებიც მთელ შავ სამუშაოს აკეთებენ, მარტინს კი საშუალებას აძლევენ, უბრალოდ მთავარი მწვრთნელი იყოს. კალუმ მაკგრეგორს, ჯეიმს ფორესტსა და კირან ტირნის ალბათ ბავშვობა აქვს გატარებული მისი ძველი გუნდის თამაშების ყურებაში. კლუბისთვის ახლა სტაბილურობა ყველაზე მნიშვნელოვანია
სელტიკს რობი კინსაც უკავშირებდნენ, თუმცა მილერის აზრით, ონილის დატოვება ყველაზე უსაფრთხო და ლოგიკური ნაბიჯი იყო.
