შარლოტმა ლამელო ბოლი გაცვალა

ESPN-ის შამს ჩარანიას ინფორმაციით, შარლოტ ჰორნეტსი ვარსკვლავ გამთამაშებელ ლამელო ბოლსა და ჯოშ გრინს მინესოტა ტიმბერვულვზში უშვებს, სანაცვლოდ კი მიიღებს ნაზ რიდს და დრაფტის არჩევანების მნიშვნელოვან პაკეტს.

რიდთან ერთად, ჰორნეტსი მიიღებს 2033 წლის დაუცველ (unprotected) პირველი რაუნდის პიკს და სამ მეორე რაუნდის პიკს (2029, 2032 და 2033 წლების).

გარდა ამისა, გუნდები გაცვლიან 3 პირველი რაუნდის პიკის უფლებებს 2028, 2029 და 2030 წლების დრაფტებზე.

ბოლს მიმდინარე კონტრაქტის მიხედვით კიდევ 3 სეზონი აქვს დარჩენილი და 6 ივლისიდან შეეძლება გააფორმოს ორწლიანი, 119.2 მილიონი დოლარის ღირებულების კონტრაქტის გახანგრძლივება.

გასულ სეზონში ბოლმა საშუალოდ 20.1 ქულა, 7.1 შედეგიანი გადაცემა და 4.8 მოხსნა დააგროვა, ხოლო სამქულიანების 36.8% ჩააგდო.

მან რეგულარულ სეზონში 72 მატჩი ჩაატარა, რაც მისი საუკეთესო მაჩვენებელია 2021/22 წლების სეზონის შემდეგ, როდესაც 75 შეხვედრაში ითამაშა.

თუმცა, 2022/23-დან 2024/25 წლების სეზონების პერიოდში ბოლმა ტრავმების გამო ჯამში მხოლოდ 105 მატჩში მიიღო მონაწილეობა.