შენგელია, ბაზაძე, ლიპარტელიანი - ოლიმპიურმა კომიტეტმა წლის საუკეთესოები დაასახელა

საქართველოს ოლიმპიურმა კომიტეტმა სხვადასხვა ნომინაციაში 2025 წლის საუკეთესოები გამოარჩია.

საქართველოს წლის საუკეთესო სპორტსმენებად მსოფლიო ჩემპიონები, ძიუდოისტი ეთერ ლიპარტელიანი და მოფარიკავე სანდრო ბაზაძე დასახელდნენ.

წლის საუკეთესო სპორტული ფედერაცია საქართველოს ფარიკაობის ფედერაცია გახდა. საუკეთესო სპორტული გუნდი კი - საქართველოს ძიუდოისტთა ნაკრები, რომელმაც მსოფლიო ჩემპიონატზე ოქროს მედალი მოიპოვა.

2025 წლის საქართველოს საუკეთესო მწვრთნელად ძიუდოს ქალთა ნაკრების მწვრთნელი, კახაბერ მოცრაძე დასახელდა. ქალთა სპორტში დასაქმებული საუკეთესო მწვრთნელები კი - მეგი ქადაგიძე (ტყვიის სროლა) და თეიმურაზ ჯანჯღავა (ძალოსნობა).

საქართველოს წლის საუკეთესო სპორტსმენი სპორტის სათამაშო სახეობებში საქართველოს საკალთბურთო ნაკრების კაპიტანი თორნიკე შენგელია გახდა.

საუკეთესო სპორტსმენებად სპორტის ზამთრის სახეობებში ანასტასია მეტელკინა და ლუკა ბერულავა (ფიგურული ციგურაობა) დასახელდნენ.

2025 წლის აღმოჩენა, ,,ოლიმპიური იმედი" ინგა გურგენიძე (ფიგურული ციგურაობა) და მსოფლიო ჩემპიონი ვახტანგ ლოლუა (ბერნულ-რომაული ჭიდაობა) გახდნენ.